६ माघ, काठमाडौं । मेक्सिकोका राष्ट्रपति आन्द्रेस म्यानुएल लोपेज ओब्राडोरले अमेरिकासँग आप्रवासी नीतिलाई परिमार्जन गर्न सुझाव दिनुभएको छ।
प्रहरीले छिमेकी देश ग्वाटेमालामा मध्य अमेरिकी देशका हजारौँ आप्रवासीलाई रोकेकाले राष्ट्रपति लोपेजले आप्रवासी नीतिमा परिमार्जन गर्नुपर्ने आग्रह गर्नुभएको हो।
आप्रवासीका समस्या समाधानलाई लिएर अमेरिकाको राष्ट्रपतिमा नव निर्वाचित जो बाइडेनले मेक्सिको तथा अन्य देशहरुसँग सहकार्य गर्ने आशा राखेको
लोपेजले बताउनुभयो।
झन्डै सात हजार आप्रवासी मेक्सिको हुँदै अमेरिका प्रवेश गर्ने लक्ष्यसहित ग्वाटेमाला पुगेका उनीहरुलाई प्रहरीले रोकेको छ।
हरेक वर्ष मध्य अमेरिकी देशबाट दशौँ हजार आप्रवासी पैदल यात्रा गरेर अमेरिका प्रवेशको प्रयास गर्छन्। आप्रवासीको यो समूहलाई ‘काराभान’ का रुपमा चिनिन्छ।
अवैध रुपमा सीमा पारका गतिविधि रोकिनु पर्नेमा जोड दिएपनि लोपेजले सबै आप्रवासीको अधिकारको भने सम्मान गरिनु पर्ने बताउनुभएको छ।
