२६ माघ, काठमाडौं । नेपाली राष्ट्रिय फुटबल टिमका फरवार्ड अभिषेक रिजाल भारतको आइलिग क्लब आइजोल एफसीमा आबद्ध भएका छन्।
अभिषेकको मेन्टरको रुपमा काम गर्दै आएका रवीन्द्र चन्दका अनुसार २०२०-२१ सिजनको बाँकी खेलका लागि आबद्ध भएका हुन्।
यसअघि गत भदौमा अभिषेक भारतको अर्को क्लब मोहमेडन स्पोर्टिङ् क्लबमा आबद्ध भएका थिए।
कोरोना महामारीका बीच चन्द बदर्स प्रालिको पहलमा भएको सम्झौतामा मोहमेडन आइलिगमा बढुवा हुन नसके रिजालले अन्य क्लबबाट खेल्न सक्ने शर्त राखिएको थियो।
यद्यपी मोहमेडन छनोटमा च्याम्पियन बन्दै आइलिगमा बढुवा भएको थियो। जसका कारण अभिषेकका लागि आइलिग खेल्ने ढोका खुलेको थियो।
सिजनको आइलिगमा आबद्ध हुने अभिषेक तेस्रा नेपाली खेलाडी हुन्।
राष्ट्रिय टिमका पहिलो रोजाइका गोलकिपर किरण चेमजोङ पञ्जावबाट खेलिरहेका छन्। अघिल्लो साता मिडफिल्डर प्रकास बुढाथोकी नेरोकामा आबद्ध भएका थिए।
जारी लिगमा पाँच खेल खेलेको आइजोल २ जित र २ बराबरी खेल्दै ८ अंक जोडेर चौथो स्थानमा छ।
