१३ फागुन, काठमाडौं । म्यानमारमा सैनिक सेनाले ‘कू’मार्फत् सत्ता हत्याएको भन्दै सामाजिक संजाल फेसबुकले म्यानमारको सैनिकलाई प्रतिबन्ध लगाएको छ।
सैन्य कूविरूद्ध आन्दोलन भइरहेका बेला फेसबुकले बिहीबार म्यानमारको सेनालाई अनिश्चितकालका लागि फेसबुक र इन्स्टाग्रामको प्रयोगमा प्रतिबन्ध लगाएको हो।
‘फेब्रुअरी १ मा भएको कू र त्यसपछिका हिंसात्मक घटनाले प्रतिबन्ध लगाउनु पर्ने अवस्था बनाए,’ फेसबुकले भनेको छ,‘म्यानमारको सेनालाई फेसबुक र इन्स्टाग्राम चलाइरहनु दिनु निकै खतरापूर्ण छ भन्ने हामीलाई लाग्छ।’
यसअघि फेसबुकले सरकारी टेलिभिजनको पेज बन्द गरिदिएको थियो।
म्यानमारमा सेनाले सत्ता लिएपछि भएका प्रदर्शनमा अहिलेसम्म तीन जनाको मृत्यु भइसकेको छ भने अमेरिकाले कूमा संलग्न सैनिक जनरलहरूमाथि प्रतिबन्ध लगाएको छ।
प्रतिक्रिया
सम्बन्धित समाचार
