२९ चैत्र, काठमाडौं । चीनको शिन्जियाङ्गस्थित एक कोइलाखानीको सुरुङ्गमा १३ जना श्रमिक फसेका छन्। २१ जना श्रमिक सुरुङ्गमा फसेका हुन्, ८ जनाको जीवितै उद्धार गरिएको ग्लोबल टाइम्सले जनाएको छ।
खानीमा पानी भरिएका कारण श्रमिकहरु फसेका बताइएको छ।
स्थानीय प्रशासनले फसेका श्रमिकहरुको जिवितै उद्धार गर्ने प्रयास भइरहेको जनाएको छ। खानीको कतातिर श्रमिक फसेका छन् भन्ने कुरा उद्धारकर्मीले पत्ता लगाएर सोही अनुसार उद्धारको प्रयास भइरहेको छ।
फसेका श्रमिकहरुलाई अक्सिजनको व्यवस्था मिलाइएको छ भने त्यहाँ भरिएकाे पानीलाई बाहिर पठाउने प्रयास भइरहेको छ।
प्रतिक्रिया
सम्बन्धित समाचार
