एजेन्सी,१ बैशाख
पाकिस्तान क्रिकेट टिमका कप्तान बाबर आजम आईसीसीको एकदिवसीय ब्याटिङ वरीयताको शीर्ष स्थानमा उक्लिएका छन् ।
भारतीय क्रिकेट टिमका कप्तान विराट कोहलीलाई पछि पार्दै आजम शीर्ष स्थानमा उक्लिएका हुन् ।
अन्तर्राष्ट्रिय क्रिकेट परिषद (आईसीसी) ले सार्वजनिक गरेको नयाँ वरीयतामा आजमले शीर्ष स्थान हासिल गरेका छन् । २६ वर्षीय आजम पहिलो पटक वरियताको शीर्ष स्थानमा उक्लिएका हुन् ।
दक्षिण अफ्रीकाविरुद्धको सिरिजमा उत्कृष्ट खेलेपछि आजमले कोहलीलाई पछि पार्न सफल भएका हुन् । एकदिवसीय ब्याटिङ वरीयताको शीर्ष स्थानमा पुग्ने उनी चौंथो पाकिस्तानी खेलाडी हुन् ।
यस अघि जाहिर अब्बास,जादेभ र मोहमद युसुफ वरीयताको शीर्ष स्थानमा पुगेका थिए । ब्याटिङ वरीयताको दोस्रो स्थानमा कोहली र तेस्रो स्थानमा भारतकै रोहित शर्मा रहेका छन् ।
यस्तै न्युजिल्यान्डका रोस टेलर चौंथो र अष्ट्रेलियाका आरोन फिन्च पाँचौं स्थानमा रहेका छन् ।
प्रतिक्रिया
सम्बन्धित समाचार
