२७ जेठ, कास्की । गण्डकी प्रदेशका मुख्यमन्त्री पृथ्वी सुब्बा गुरुङले आज प्रदेशसभा बैठकमा विश्वासको मतसम्बन्धी प्रस्ताव पेस गर्नुभएको छ । उहाँ गत वैशाख २९ गते मुख्यमन्त्रीमा दोस्रो पटक नियुक्त हुनुभएको थियो। संवैधानिक प्रावधानअनुसार उहाँले मुख्यमन्त्रीमा नियुक्त भैसकेपछी विश्वासको मतसम्बन्धी प्रस्ताव पेस गर्नुभएको हो ।

मुख्यमन्त्री नियुक्त भएपछि ३० दिनभित्र प्रदेशसभामा विश्वासको मत लिनुपर्ने संवैधानिक प्रावधान छ । प्रस्ताव पेश गर्दै उहाँले आफ्नो सरकारलाई जोगाउन माग गर्नुभएको छ । उहाँले सरकारले गरेका कामकारबाहीको फेहरिस्त पनि प्रस्तुत गर्नुभएको छ । यदि प्रदेशसभामा विश्वासको मत लिन असफल भएमा मुख्यमन्त्री गुरुङ पदमुक्त हुनेहुनेछ।