तस्वीरः एपी
शुक्रबारदेखि प्रारम्भ भएको सन् २०२० को युरो फुटबल प्रतियोगितामा इटालीले उदघाटन खेलमा टर्कीलाई पराजित गरेको छ । आफ्नै गृह मैदानमा भएको खेलमा इटालीले टर्कीलाई ३–० गोलले स्तब्ध बनाएको हो ।
इटालीका लागि सिरो इम्मोबाइलले ६६औं तथा लोरेन्जो इन्सिग्नेले ७९औं मिनेटमा गोल गरेका थिए । तर पहिलो गोल भने टर्कीका खेलाडीले गरेको आत्मघाती गोलबाट प्राप्त भएको थियो । दोस्रो हाफको ५३औं मिनेटमा टर्कीका डिफेन्डर मरिह डेमिरालले आत्मघाती गोल गरेका थिए ।
डिफेन्स निकै सुदृढ रहेको इटालीले समग्र खेलमा बललाई ६४ प्रतिशत आफ्नो नियन्त्रणमा राखेको थियो ।
यो जितसँगै इटालीले समूह क मा एक खेलबाट तीन अंक बटुलेको छ । यस समूहमा इटाली, स्वीट्जरल्यान्ड, वेल्स र टर्की रहेका छन् ।
आज शनिबारका खेल
१. वेल्स र स्वीट्जरल्यान्ड
२. डेनमार्क र फिनल्यान्ड
३. बेल्जियम र रसिया
प्रतिक्रिया
सम्बन्धित समाचार
