विश्वभरमा कोरोना भाइरसका ज्यान गुमाउनेको संख्या ३ लाख २४ हजार नाघेको छ । बुधबार बिहानसम्म कोरोना संक्रमणका कारण विश्वभरमा मृत्यु हुनेको संख्या ३ लाख २४ हजार ८८९ पुगेको छ । मृत्यु हुनेमा सबैभन्दा धेरै अमेरिकामा ९३ हजार ५३३ जना छ ।

बेलातयतमा ३५ हजार ३४४, इटलीमा ३२ हजार १६९, फ्रान्समा २८ हजार २२, स्पेनमा २७ हजार ७७८ कोरोना संक्रमितको मृत्यु भइसकेको छ । हालसम्म ४९ लाख ८२ हजार ३१५ जनामा कोरोना संक्रमण देखिसकेको छ । यसमध्ये १९ लाख ५८ हजार ३२५ जना निको भइसकेका छन् । २६ लाख ९९ हजार ४८२ संक्रमितको उपचार भइरहेको छ ।

यसमध्ये २६ लाख ५४ हजार ४२ को स्वास्थ्य अवस्था मध्यम रहेको छ भने ४५ हजार ४४० को अवस्था गम्भीर रहेको छ । नेपालमा हालसम्म ४०२ जनामा कोरोना भाइरस संक्रमण पुष्टि भएको छ । यसमध्ये दुई जनाको मृत्यु भइसकेको छ । ४७५ जना आइसोलेशनमा छन् ।