३ भदौ, रुपन्देही । लुम्बिनी प्रदेश सभाको बैठक भदौ ७ गतेसम्म स्थगित भएको छ । एमाले सांसदका कारण पटक पटक अवरोध हुँदै आएको लुम्बिनी प्रदेशको प्रदेशसभा बैठक भदौ ७ गतेसम्मका लागि स्थगित गरिएको हो।
बिहीबार (आज) दिउँसो १ बजे बस्ने तय भएको नवौं अधिवेशनको तेस्रो बैठक विशेष कारणबस स्थगित गरिएको प्रदेश सभा सचिवालयले जनाएको छ ।
प्रदेश सांसद अजय शाही र विमला वलीलाई पार्टीले पदमुक्त गरेपनि सभामुखले औपचारिकरुपमा पदमुक्त नगरेको भन्दै एमालेले बैठक पटक पटक अवरुद्ध गर्दै आएको छ।
सूर्य चिह्नबाट चुनाव जितेका शाही र वली हाल मुख्यमन्त्री कुलप्रसाद केसी नेतृत्वको सरकारमा मन्त्री हुनुहुन्छ ।
प्रतिक्रिया
सम्बन्धित समाचार
