१८ असोज, काठमाडौं एभरेष्ट प्रिमियर लिग (ईपीएल) टी–ट्वान्टी क्रिकेटअन्तर्गत चितवन टाइगर्सले भैरहवा ग्लाडियटर्सलाई १६५ रनको लक्ष्य दिएको छ । कीर्तिपुरस्थित त्रिवि क्रिकेट मैदानमा आज भैरहेको खेलमा टस जितेर पहिले ब्याटिङ गरेको चितवनले निर्धारित २० ओभरमा ८ विकेट गुमाएर १६४ रन बनाएको थियो।

चितवनका लागि करिम जन्नतले सर्वाधिक ३५ रनको योगदान गरे । त्यस्तै मोहमद साहजादले ३२ रन बनाउँदा सेकुगे प्रशन्नले २४ रन बनाए । बलिङतर्फ भैरहवाका लागि अविनास बोहोराले सर्वाधिक तीन विकेट लिए ।

त्यसतै कुशल मल्लले दुई विकेट लिए । भैरहवाका लागि धमिका प्रसाद, दुर्गेश गुप्ता र कृष्ण कार्कीले समान एक–एक विकेट लिए ।