विश्वव्यापी स्वास्थ्य महामारी बनिरहेको नोभल कोरोना भाइरस कोभिड-१९ को सङ्क्रमणबाट दक्षिण एशियाली क्षेत्रीय सहयोग संगठन सार्क सदस्य राष्ट्रहरुमा ६८ जनाको मृत्यु भएको छ ।
सार्क सदस्य मुलुकहरुमध्ये भारतमा सबैभन्दा धेरै ३८ जनाको मृत्यु भएको छ भने सङ्क्रमितको संख्या भने पाकिस्तानमा धेरै छ । प्रधानमन्त्री इमरान खानलाई समेत सङ्क्रमण भएको पाकिस्तानमा १ हजार ६२५ जनामा सङ्क्रमण पुष्टी भएको छ ।
त्यहाँ सङ्क्रमण भएर २० जनाको मृत्यु भएको विश्व स्वास्थ्य संगठनले जनाएको छ ।
भारतमा भने कुल सङ्क्रमितको संख्या एक हजार तीन शय बढी छ ।
मात्रै ४९ जना सङ्क्रमित फेला परेको बंगलादेशमा भने ५ जनाको मृत्यु भइसकेको छ ।
यसैगरी अफगानिस्तानमा ११४ जनामा सङ्क्रमण पुष्टी भएकोमा ४ जनाको मृत्यु भइसकेको छ ।
कोरोनाको सङ्क्रमणबाट श्रीलंकामा हिजो पहिलो एक जनाको मृत्यु भएको छ ।
त्यहाँ सङ्क्रमितको सङ्ख्या १२० पुगेको छ ।
सङ्क्रमण सार्क सदस्य राष्ट्रहरु नेपाल, भुटान र माल्दिभ्समा भने हालसम्म कुनै मानवीय क्षति भएको छैन् ।
माल्दिभ्समा १७ जनामा सङ्क्रमण भेटिएको छ ।
सार्क राष्ट्रहरु मध्ये सबैभन्दा थोरै भुटानमा चार जनामा मात्रै सङ्क्रमण देखिएको पुष्टी भएको छ । त्यहाँ सोमवार मात्रै एकजना कोरवनाको नयाँ विरामी भेटिएको छ ।
नेपालमा भने पाँच जनामा सङक्रमण भएकोमा एक जना निको भएर घर फर्किएको र चार जनाको आइसोलेशनमा राखेर उपचार भइरहेको छ ।
सङक्रमण फैलन नदिन सबै सार्क सदस्य राष्ट्रहरुले आ-आफ्नो देशमा लकडाउनको घोषणा गरेका छन् ।
क्षेत्रीय स्तरमा सङ्क्रमण फैलन नदिन र त्यसको व्यवस्थापनका लागि सार्कले आपतकालिन राहत कोष पनि बनाएको छ ।-
