स्पेनिस फुटबल प्रशिक्षक पेप ग्वार्डिओलाले कोरोना भाइरसबिरुद्ध लड्न १ मिलियन युरो सहयोग गरेका छन् ।
इंग्लीश फुटबल क्लब म्यान्चेष्टर सिटीका प्रशिक्षक ग्वार्डीओलाले कोरोनाविरुद्ध लड्न स्पेन सरकारलाई यो सहयोग गरेका हुन् ।
हाल उनी बार्सिलोनास्थित आफ्नो निवासमा रहेका छन् । स्पेनिस शहर बार्सिलोना कोरोना भाइरसबाट अत्यन्तै प्रभावित शहरहरुमध्ये एक हो ।
ग्वार्डीओलाले यो रकम बार्सिलोनाको मेडिकल कलेज र डेनियल फाउन्डेसनद्वारा सञ्चालित अभियानमा जाने बताएका छन् ।
सहयोग रकम अस्पतालमा भर्ना भएकाको उपचारमा संलग्न अस्पतालका कर्मचारीको लागि मेडिकल उपकरण र सुरक्षा सामग्री खरीदमा खर्च गरिनेछ ।
प्रतिक्रिया
