कोरोना भाइरसको विश्वव्यापी महामारीका कारण जहाजहरु थन्किएपछि व्रिटिस एयरवेजले ३६ हजार कर्मचारी अस्थायी रुपमा कटौती गर्ने तयारी गरेको छ ।
कर्मचारी कटौती कसरी गर्ने भन्ने सम्बन्धमा गत एक हप्तादेखि कर्मचारी युनियनसँग एयरवेजको वार्ता भइरहेको छ । दुई पक्ष बीच कर्मचारी निलम्बनका विषयमा दुबै पक्ष समझदारीमा पुगे पनि विस्तृत रुपमा हस्ताक्षर हुन भने बाँकी छ ।
सम्झौतामा संकटका बेला अनावश्यक कर्मचारी अस्थायी रुपमा कटौती गर्ने सहमति भएको हो । कटौतीमा पर्नेमा ८० प्रतिशत विमानभित्रै कार्यरत कर्मचारी, ग्राउण्ड स्टाप, इन्जिनियर तथा केन्द्रीय कार्यालयमा कार्यरत कर्मचारी रहेका छन् ।
ब्रिटिस एयरवेजले कोरोननको संकट नसिएसम्म ग्याटविक र लण्डन सिटी विमानस्थलमा उडान स्थगित गरेकाले त्यहाँ कार्यरत कर्मचारीलाई प्रभावित हुनेछन् ।
प्रभावितहरुलाई सरकारले घोषणा गरेको कोरोना भाइरस राहत कार्यक्रम मार्फत् ८० प्रतिशतसम्म उनीहरुको तलब प्राप्त हुने व्यवस्था मिलाइएको छ ।।
