नेपाल कम्युनिष्ट पार्टी नेकपाका प्रवक्ता नारायणकाजी श्रेष्ठले पैदल यात्रामा निस्केकाहरूलाई घरमा लैजाने व्यवस्था मिलाउनुपर्ने बताएका छन्। शुक्रबार ट्वीट गर्दै प्रवक्ता श्रेष्ठले सो कुरा उल्लेख गरेका हुन् ।
अबदेखि कोही पनि आफू बस्ने गरेको ठाउँबाट ननिस्कन उनले आग्रह गरेका छन्। लकडाउन कडाइपूर्वक पालना गरी स्वःक्वारेन्टाइनमा बस्नुपर्ने श्रेष्ठको भनाइ छ।
‘सरकारले घरभाडा र खानाको समस्या परेकाहरूको समस्या समाधान तुरून्त गरौं,’ उनले भनेका छन्, ‘सम्बन्धित व्यक्तिको घरमा रहेको परिवारसमेत उसको आम्दानीबाट मात्र बाँच्न सक्ने स्थिति हो भने त्यो पनि हल गरौं।’