अन्तर्राष्ट्रिय ओलम्पिक कमिटी आइ ओ सीले कोभिड-१९ का कारण पुगेको क्षतिबाट पुनर्उत्थानका लागि सदस्य मुलुकहरुलाई आर्थिक राहतको प्याकेज घोषणा गरेको छ । स्वास्थ्य महामारिका कारण स्थगित भएको टोकियो ओलम्पिक २०२० स्थगित भएपछि आइ ओ सीले खेलकुदको तयारीका लागि ८ अर्व अमेरिकी डलर बराबरको राहत प्याकेज ल्यार्उन लागेको हो । यो रकम मुलुकहरुलाई सहयोग र ऋणका रुपमा वितरण गरिने पनि कमिटिले जनाएको छ ।

कमिटिको केन्द्रिय कार्यालय स्विट्जरल्याण्डमा भएको कार्यकारी परिषदको बैठकले १ करोड ५० लाख डलरका हिसावले देशहरुलाई आवश्यकताका आधाममा रकम भुक्तानी गर्ने निर्णय गरेको छ । यो रकम अर्को बर्षका लागि सारिएको टोकियो ओलम्पिक शुरु हुनु पूर्व नै दिइसक्ने पनि कमिटिले जनाएको छ ।।