रसुवामा सात जनामा आरडिटी रिपोर्ट पोजेटिभ देखिएको छ । शनिबार जिल्लाको नौकुण्ड गाउँपालिका र आमाछोदिङ्मो गाउँपालिकामा गरिएको छुट्टाछुट्टै परिक्षणमा सात जनामा आरडिटी परिक्षणमा रिपोर्ट पोजेटिभ आएको हो ।
नौकुण्ड गाउँपालिका ६ मा तिन जना र आमाछोदिङ्मो गाउँपालिका ५ मा चार जना गरि ७ जनाको रिपोर्ट पोजेटिभ आएको स्वास्थ्य कार्यालय रसुवाका प्रमुख किरण श्रेष्ठले बताउनुभयो । सात जना मध्ये ६ जना पुरुष र एक जना महिला रहेको बताइएको छ । २१ वर्षिय महिला रहेकि छिन् भने २४, २७, २८, २१, १८ १९ २१ वर्षका पुरुष रहेको बताइएको छ ।
पोजेटिभ देखिएका मध्ये तिन जिबजिबे ग्रामिण अस्पतालमा रहेको आइसोलेसनमा राखिएको छ भने चार जनालाई सदरमुकाम धुन्चेको आइसोलेसन ल्याइदै गरिएको श्रेष्ठले बताए । सातै जनाको स्वाब संकलन गरि पिसिआरका लागि जनस्वास्थ्य प्रयोगशाला काठमाण्डौ पठाउने तयारी भइरहेको जनाइएको छ ।
बुधबारदेखि रसुवामा सेल्फ क्वारेन्टाइनमा रहेकाहरुको आरडिटि परिक्षण सुरु गरिएको छ । जिल्लामा काठमाण्डौ, संखुवासभा, कैलाली र इलामबाट आएका ४ सय ४४ जना सेल्फ क्वारेन्टाइनमा रहेका छन् । जिल्लामा हाल सम्म तीन सय ९८ जनाको आरडिटी परिक्षण भएको जिल्ला स्वास्थ्य कार्यालय रसुवाले जनाएको छ ।