काठमाडौं । कोरोना भाइरसको कारणले बंगलादेशमा प्रभावित भएका नेपालीहरु मध्ये पहिलो चरणमा २ सय ३४ जना नेपालीहरु फर्किने भएका छन् । बंगलादेशको लागि नेपाली राजदूतावासले जारी गरेको सूचना अनुसार जेठ ३२ गते नेपाल एयरलाइन्सको जहाज मार्फत उनीहरुलाई काठमाडौं ल्याइने भएको हो ।
दूतावासका अनुसार जहाजको भाडा प्रति व्यक्ति १९ हजार ९ सय ५८ रुपैयाँ तोकिएको छ । यात्रुहरुले टिकट काठमाडौंमा खरिद गर्नुपर्ने उल्लेख छ । यस्तै उडानमा संलग्न हुने विवरणमा समावेश भएकाहरु मध्ये भिषा समाप्त भई सकेकाहरुले टिकट खरिद पछि यथाशिघ्र नेपाली दूतावास ढाकामा जानकारी गराउन भनिएको छ ।