स्पेनमा कोरोनाभाइरस संक्रमण पुनः देखिएपछि त्यहाँका स्वास्थ्य अधिकारीहरूले सेप्टेम्बरमा हुने भनिएको मड्रिड ओपनका टेनिस प्रतियोगिता आयोजना नगर्न आयोजकहरूलाई आग्रह गरेका छन्।

कोरोनाभाइरसको महामारी फैलिएपछि यसअघि मे महिनामा हुने भनिएको मड्रिड ओपन सेप्टेम्बरमा सारिएको थियो तर पछिल्लो समय स्पेनमा नयाँ संक्रमितहरू भेटिन थालेपछि प्रतियोगिता मितिबारे पुनः विचार गरिनुपर्ने स्वास्थ्य अधिकारीहरूले बताएका हुन्।

आयोजकहरुले भने स्थितिको निरीक्षण गरिरहेको र सबै सम्भावित विकल्पहरू नियालिरहेको जनाएको छ। साथै प्रतियोगितामा आबद्ध सबैको स्वास्थ्य सुरक्षा सुनिश्चित गर्नमा आफ्नो ध्यान केन्द्रित रहेको आयोजकहरुले जनाएका छन्।