काठमाडौ,७ असोज ।
कोभिड-१९ का कारण केही साता यता बन्द रहेको रसुवाको केरुङ्ग नाका बुधबारदेखि सुचारु भएको छ ।
चीनस्थित नेपाली राजदुत महेन्द्रबहादुर पाण्डेका अनुसार चिनिया उच्च अधिकारीहरुसँगको निरन्तर छलफल पछि स्वास्थ्य सुरक्षा मापदण्डको पूर्ण पालना गर्दै नाका सुचारु गर्न चिनिया पक्ष सहमत भएको हो ।
मेडिकल सामग्री र दैनिक उपभोग्य वस्तुको आपूर्ति व्यवस्थालाई सहज रुपमा ढुवानी गर्नका लागि एकतर्फी रुपमा नाका सुचारु भएको हो ।
सहमति अनुसार चिनिया क्षेत्रमा रहेका मालबाहक नेपाली कन्टनेरहरु सामान लिएर नेपाल आउन पाउने भएका छन् ।
भन्सार क्षेत्र कोरोना र मनसुनका कारण पूर्ण रुपमा सञ्चालनमा आउन नसकेको जानकारी गराउँदै छिटो भन्दा छिटो बन्दरगाह सहित नाका पूर्ण रुपमा सञ्चालनमा आउने नेपालस्थित चिनियाँ दुतावासले प्रेस नोट मार्फत जानकारी गराएको छ ।