रसुवा , १० असोज। प्रतिनिधिसभा सदस्य सांसद ईन्जिनियर मोहन आचार्यको व्यक्तिगत सहयोगमा रसुवामा बिग्रेर २ बर्ष देखि थन्किएको एम्बुलेन्स सुचारु भएको छ ।
नेपाल रेडक्रस सोसाइटी रसुवा जिल्ला शाखाको एम्बुलेन्स मर्मत गर्न साम्सद आचार्यले व्यक्तिगत तर्फबाट नगद २ लाख ८० हजार रुपैयाँ सहयोग गर्नुभएको नेपाल रेडक्रस सोसाइटी रसुवाले जानकारी दिएको छ ।
नेपाल रेडक्रस सोसाइटी रसुवाका सभापति बाबुलाल तामाङले रेडक्रसको एम्बुलेन्स संचालनमा आए सङ्गै आकस्मिक स्वास्थ सेवा उपलब्ध गराउन महत्त्वपूर्ण सहयोग पुगेको जानकारी दिनुभयो ।
नगद सहयोग गरि एम्बुलेन्स मर्मत गराइ सन्चालनमा ल्याउन सहयोग गरेकोमा संघीय सांसद मोहन आचार्यलाई उहाले धन्यवाद समेत व्यक्त गर्नु भयो ।
दुई बर्ष देखि विग्रिएर बसेको सो एम्बुलेन्स रकम अभाबका कारण मर्मत हुन सकेको थिएन।