काठमाडौँ, २ पुस । ग्राण्डी अन्तर्राष्ट्रिय अस्पतालले दुई हजारभन्दा बढी मेरुदण्ड विरामीको सफलतापूर्वक जटिल शल्यक्रिया सम्पन्न गरेको छ ।
काठमाडौँको टोखामा रहेको उक्त अस्पतालले स्थापनाको आठौँ वर्षसम्म आइपुग्दा मेरुदण्ड बाङ्गो हुने, चोटपटक सङ्क्रमण, ट्युमर, नशा च्यापिनेलगायतका मेरुदण्ड विरामीको सफलतापूर्वक शल्यक्रिया सम्पन्न गरेको हो ।
समयमै मेरुदण्ड विरामीको समस्याको पहिचान नभएमा ढाड बाङ्गो हुने तथा नशा च्यापिएर पक्षघात हुने खतरा रहने अस्पतालका डा विनोद विजुच्छेले जानकारी दिनुभयो । “नशा च्यापिने, ढाड दुख्ने समस्या देखिएपनि समयमै शल्यक्रिया गरिहाल्नुपर्ने अवस्था चाँही रहँदैन, फिजियोथेरापी र औषधीका कारणपनि उक्त रोग निको हुन्छ,”–उहाँले भन्नुभयो ।
मेरुदण्डको उपचारका लागि हाल ग्राण्डी अस्पतालमा डा विजुच्छेको नेतृत्वमा डा जावेद अहमद खान, डा रामकृष्ण दाहाल, डा सन्दीप यादव, डा आयुष श्रेष्ठको टिमले काम गरिरहेको छ ।