नयाँ सालको आगमनसँगै
मनमा पलाएका आशाका किरणहरू
२०१९ सम्म लखतरान परेका
थकित शरीरहरू
एक बोतल जीवनजलमा
एक चिम्टी खुसी
केही सफलता अनि
मलिनो बन्दै गएका मुहारलाई
एक झुल्को उझ्यालोका लागि
हार्दिकताका साथ
आदानप्रदान गरिएका
नववर्ष २०२० को शुभकामनाहरू
बिना अर्थका बने ।
उसले आफ्नो आगमन सँगै ल्याएको
अदृश्य उपहारको पोको
फुस्क्यो, द्रुत गतिमा फैलियो
न छेकवार, न नियन्त्रण न निर्मूल
धनदौलतका अहङ्कारीहरू
मुन्टो निहुर्याएर झोक्राए
शक्ति देखाउने बम बारुद
पुच्छर लुकाएर बसे
ज्ञान,विज्ञान, प्रविधि अनि भगवान
सबैसबै निकम्मा भए
आफ्ना लागि साँचेका
अलिकति आशा, भरोसा
उत्साह अनि उमङ्ग
सबैसबै चकनाचुर भए ।
जो जस्लाई लगिस्
आफ्नो निर्दयीपन देखाइस्
खोक्दै आँफै अस्पातल पुगेकाहरूलाई
भेन्टिलेटरमा फसाइस्
कन्टेनरमा लासैलासकाे खातमाथि फालिदिइस्
न परिवारबाट तिनको विदाई
न सांस्कारिक रीत
न मलामी– न चिता
बस ! अब पुग्यो वर्ष २०२०– अब अति भयो
यो प्राण घातक भाईरसलाई
जसरी ल्याइस्
त्यसरी नै लैजा
पापी , निर्मम हत्यारा
तँ २०२० लाई मुर्दावाद !
– Avinashi , USA