२७ बैशाख, काठमाडौं । नेकपा (एमाले)का वरिष्ठ नेता झलनाथ खनाल कोभिड–१९ सङ्क्रमणमुक्त हुनुभएको छ । नर्भिक इन्टरनेशल अस्पतालमा सङ्क्रमित भई उपचारका क्रममा रहनुभएको उहाँ आइतबार साँझ संक्रमणमुक्त हुनुभएको हो।
हिजो पीसीआर परीक्षण गर्दा उहाँमा संक्रमण नदेखिएको खनालका स्वकीय सचिव कृष्ण भट्टराईले जानकारी दिनुभयो। संक्रमणमुक्त भए पनि केही दिन चिकित्सकको सल्लाहमा नेता खनाल अस्पतालमै रहने बताइएको छ।
कोरोना संक्रमित भई गत बैशाख १८ गते अस्पतालमा भर्ना हुनुभएको पूर्वप्रधानमन्त्री खनालको स्वास्थ्य सुधारोन्मुख रहेको स्वकीय सचिव भट्टराईले बताउनुभयो।
प्रतिक्रिया
सम्बन्धित समाचार
