१८ साउन, काठमाडौं । प्रधानमन्त्री निवास बालुवाटारमा सत्तारुढ गठबन्धनको कार्यदल बैठक अपराहन्न ४ बजे बस्ने भएको छ । आज बिहान १० बजे बस्ने भनिएको बैठक प्रधानमन्त्री शेरबहादुर देउवालाई बिसन्चो भएपछि अपराहन्न ४ बजेका लागि बैठक बोलाइएको हो। सरकारको न्युनतम साझा कार्यक्रम तय गर्ने उद्देश्यले बैठक बस्न लागेको छ।
संयोजक पूर्णबहादुर खड्काका अनुसार आजको बैठकले सरकारले गर्ने काम कारबाहीको साझा कार्यक्रमको ड्राफ्ट तयार पार्दै छ ।
उक्त बैठकमा कार्यदलका संयोजक पूर्णबहादुर खड्काका साथसाथै सदस्यहरु मिनेन्द्र रिजाल, रमेश लेखक, वर्षमान पुन, देवप्रसाद गुरुङ, महेन्द्र राय यादव र राजेन्द्र श्रेष्ठलगायात सहभागी हुनेभएको छ ।