२१ साउन, काठमाडौं । नेकपा (एमाले)का वरिष्ठ नेता झलनाथ खनाल–माधवकुमार नेपाल समूहको स्थायी कमिटी बैठक बसिरहेको छ । बुद्धनगरस्थित क्वालिटी ब्यांक्वेटमा केन्द्रीय कमिटी बैठकअघि स्थायी कमिटीका सदस्यहरु छलफल गरिरहेका हुन् ।
उक्त समूहको आज केन्द्रीय कमिटी बैठक बस्दै छ । केन्द्रीय कमिटी बैठकमा प्रस्तुत गरिने एजेन्डाबारे छलफलका लागि स्थायी कमिटी बैठक बसेको हो । पछिल्लो राजनीतिक अवस्था र आगामी रणनीति तय गर्न केन्द्रीय कमिटी बस्न लागेको बताइएको छ ।
खनाल–नेपाल समूहले केन्द्रीय कमिटीको बैठक डाकेपछि एमाले ओली पक्षले भने आपत्ति जनाएको छ ।