काठमाडौं,१५ असोज

आजदेखि माल्दिभ्समा सुरु भएको साफ च्याम्पियनसिप फुटबल प्रतियोगितामा बंगलादेशले श्रीलंकालाई पराजित गरेको छ ।

शुक्रबार साँझ भएको पहिलो खेलमा बंगलादेशले श्रीलंकालाई १-० गोलले हराउँदै सुखद सुरुवात गरेको हो ।

बंगलादेशलाई जित दिलाउन एकमात्र निर्णायक गोल खेलको ५६ औं मिनेटमा टोपु बर्मानले गरे । उनले पेनाल्टीमार्फत गोल गरेका हुन् । खेलको ५६ औं मिनेटमा डक्सन पुस्लासले रातो कार्ड खाँदै मैदानबाट बाहिरिएपछि श्रीलंका १० खेलाडीमा सिमित बनेको थियो ।

यस्तै, आज राति ९ः४५ बजे नेपालले आयोजक राष्ट्र माल्दिभ्ससँग प्रतिस्पर्धा गर्दैछ ।