काठमाडौँ । यस वर्षको मिस युनिभर्स जेन दिपिका बनेकी छन् । मिस युनिभर्सको चौथो शृंखलाको उपाधि २१ प्रतिस्पर्धीलाई पछाडि पार्दै दिपिकाले जितेकी हुन् ।

प्रतियोगितामा गरिमा घिमिरे फर्स्ट रनर अप भने सेकेन्ड रनर अप सितास्मा पोख्रेल बनिन् । विजयी प्रतिस्पर्धीलाई २०२२ का मिस युनिभर्स सोफिया भुजेलले ताज पहिरिदिएका हुन् ।

प्रतियोगिताको निर्णयकहरुमा रविराज कर्णिकार, उपल मजुमदार, उपासना घिमिरे, संगीता पहाडी, आयुशा कार्की श्रेष्ठ, सुरक्षा पन्त, नन्दिनी एल थापा, सौरभ ज्योति थिए ।

सहभागी प्रतिस्पर्धीलाई १२ विधामा पुरस्कार वितरण गरिएको थियो । विजयी प्रतिस्पर्धीले एल साल्भा डोरमा हुने मिस युनिभर्स नेपालको अन्तर्राष्ट्रिय मञ्चमा नेपालको प्रतिनिधित्व गर्ने पाउने बताइएको छ ।