बिहिबार, असार ६, २०८१
Mountain Khabar

Advertisment

SKIP THIS

बलिउड अभिनेत्री कंगना रनावत विजयी


  • माउन्टेन खबर
  • मङ्लबार, जेष्ठ २२, २०८१
  • 46
    SHARES

एजेन्सी । आज सिंगो भारत चुनावी रंगमा डुबेको छ । करिब एक महिनापछि लोकसभा चुनावको नतिजा आज आउने क्रम जारी छ । यसपटक बलिउडका धेरै सेलिब्रेटीहरू पनि राजनीतिमा आउन चुनावी मैदानमा उत्रिएका छन् ।

अभिनेत्री कंगना रनावत पहिलो पटक चुनाव लडेकी छिन् र पहिलो प्रयासमा नै जितेकी छिन् ।

कंगना हिमाचल प्रदेशको आफ्नो गृहनगर मण्डीबाट भारतीय जनता पार्टी (बीजेपी) को तर्फबाट उम्मेदवार थिइन् । लोकसभा चुनावमा अभिनेत्री प्रारम्भिक ट्रेन्डमा झन्डै ७३ हजारले अगाडि थिइन् । अहिले उनले कांग्रेसका विक्रमादित्य सिंहलाई पराजित गर्दै विजयी भएकी छन् ।

यसैबीच, कंगना रनावतले इन्स्टाग्राम स्टोरीमा एक पोस्ट गर्दै आफ्ना विपक्षीहरूको खिल्ली उडाएकी छिन् । अभिनेत्रीले एउटा पोष्ट पुनः सेयर गर्दै क्याप्शन लेखेकी छन् , ‘एउटा एक्लोले सबैलाई जित्छ । यो ठूलो कथा हो किनभने अन्य सबै पार्टीहरू एकसाथ आएका छन् । यो वास्तवमै एक मानिस भर्सेस ४० चोरहरू हो ।’

यस्तै, कंगनाले जितपछि मण्डीका जनताप्रति आभार व्यक्त गरेकी छिन् । एक्स (ट्वीटर)मा पोस्ट गर्दै, अभिनेत्रीले भनिन्, ‘यस समर्थन, यो माया र विश्वासको लागि मन्डीका सबै जनतालाई हृदयदेखि धन्यवाद । यो जित तपाईं सबैको हो, यो प्रधानमन्त्री मोदी जी र भाजपामा विश्वासको जीत हो, यो हो सनातनको जित । यो सम्मानको जित हो ।’

‘रामायण’का अरुण गोविल, हेमा मालिनी, मनोज तिवारी, शत्रुघ्न सिन्हा, पवन सिंह, रवि किशन, दिनेश लाल यादव, पवन कल्याण र ‘रामायण’का सुरेश गोपी जस्ता कलाकार यसपटक लोकसभा चुनावमा उभिएका छन् । यस पटकको लोकसभा चुनावमा आइएनडिआईएले एनडीएलाई कडा टक्कर दिएको छ ।

प्रतिक्रिया
सम्बन्धित समाचार
ताजा अपडेट
धेरै पढिएको

माउण्टेन खबर प्रा.लि.
ठेगाना: लैनचौर, काठमाडौं २६  वडा
दर्ता प्रमाणपत्र नम्बर : २११३/७७-७८
फोन नम्वर : ९८५१२२७४०६
ईमेल: [email protected]

हाम्रो टिम

सल्लाहकार : राम लामा “अविनाशी”
संञ्चालक : अनिता चापागाँई
सम्पादक :  अच्युत  रेग्मी
सह सम्पादक : अनु आचार्य
सम्वाददाता : आषिश तामाङ
सम्वाददाता : सब्बु आचार्य
बजार व्यवस्थापक : क्रिशमान तामाङ

.ads img { margin-bottom: 15px; }