काठमाडौं । सञ्चारकर्मी नरेश भट्टराईको शब्द रचना रहेको गीत ‘हाँसीराख माया’ सार्वजनिक भएको छ । मेलोडियस सङ्गीतकार सुनिल मास्केको सङ्गीत र मोनिका राईको स्वर रहेको गीत भिडियोसहित सार्वजनिक गरिएको छ ।

नरेश र सुनिलले यसअघि आधा दर्जनभन्दा बढी गीतमा सहकार्य गरिसकेका छन् । सिडी एल्बम निकाल्ने पहिलो गायक र सङ्गीतकारको रुपमा परिचित सुनिलले नयाँ प्रतिभालाई अवसर दिने सङ्गीतकर्मीका रुपमा परिचित छन् । गीतमा प्रदीप श्रेष्ठको एरेञ्ज, किशोर थापाको मिस्किङ्ग रहेको छ ।

गीतको भिडियोमा गायिका राई नै फिचर्ड छिन । युवराज वाइवाको निर्देशनमा तयार भएको भिडियोमा निशल पौडेलको छायांकन, लोकेन्द्र सुब्बाको सम्पादन, लोमस पौडेलको पोस्ट प्रोडक्सन, विकास लामा प्रोडक्सन म्यानेजर रहेका छन् ।