काठमाडौँ – नेपाली कांग्रेसका सांसद मोहन आचार्यले रसुवामा निर्माणाधीन जलविद्युत् आयोजनाले प्रभावित समुदायलाई दिनुपर्ने सुविधा नदिएको गुनासो गर्नुभएको छ।
प्रतिनिधिसभाको हिजोको बैठकमा सांसद आचार्यले प्रभावित क्षेत्रका बासिन्दाले पाउनुपर्ने उचित क्षतिपूर्ति, सेयर बाँडफाँट तथा वातावरणीय प्रभाव न्यूनीकरणका लागि आयोजनाहरू जिम्मेवार हुनुनसकेको बताउनु भयो।
आयोजनाहरूले आफ्नो सामाजिक उत्तरदायित्व (CSR) अन्तर्गत स्थानीय क्षेत्रमा गर्नुपर्ने विकास निर्माण र समुदायलाई दिने भनिएको सुविधा नदिएकोमा उहाँले ध्यानाकर्षण गराउनुभयो।
आयोजना निर्माणमा स्थानीय बासिन्दालाई पहिलो प्राथमिकता दिनुपर्नेमा निर्माणाधीन जलविद्युत् आयोजनाहरुले बाहिरका कामदार ल्याइएको भन्दै उहाँले असन्तुष्टि जनाउनुभयो।
प्रतिक्रिया
सम्बन्धित समाचार
