जर्मनी। यस वर्षकाे युराेपा लिगकाे उपाधि स्पेनी क्लब सेभियाले जितेकाे छ ।
जर्मनीकाे काेलाेन रंगशालामा शुक्रबार राति भएकाे खेलमा सेभियाले इटालियन क्लब इन्टर मिलानलाइ ३-२ ले पराजित गरेकाे थियाे । याे खेलमा दुबै तर्फ इन्टरका फरवार्ड राेमेलु लुकाकुले गाेल गरेर चर्चामा रह्याे । लुकाकुले पाँचाैं मिनेटमा टिमका लागि पेनाल्टी मार्फत पहिलाे गाेल गरेका थिए ।
तर त्यसपछि सेभियाका डी जाेङले १२ र ३३ मिनेटमा लगातार २ गाेल गरेर टिमलाइ अघि बढाएका थिए । ३५ मिनेटमा इन्टरका गाेडिनले गाेल गरेर टिमलाइ बराबरीमा ल्याएका थिए ।
पूर्वार्द्धअघि २ २ काे बराबरीमा सकिएकाे खेलमा दाेस्राे हाफ इन्टरका लागि फलदायी रहेन । सेभियाका कार्लाेसले ७४औं मिनेटमा प्रहार गरेकाे बाइसिकल किक लुकाकुलाइ लागेर गाेलपाेस्ट भित्र छिरेकाे थियाे । लुकाकुकाे यही आत्मघाती गाेलका कारण इन्टर पराजित भएकाे थियाे । त्यसपछि कुनै गाेल हुन सकेन ।
सेभियाले युराेपा लिग जितेकाे याे छैटाैं पटक हाे ।
