एजेन्सी । बलिउड कपल रणवीर कपूर र आलिया भट्टले ‘फिल्मफेयर अवार्ड २०२४’ मा शीर्ष सम्मान प्राप्त गरेका छन् । आइतबार भारतको गुजरातमा भएको अवार्ड समारोहमा उनीहरूलाई सर्वोत्कृष्ट अभिनेता र अभिनेतृको अवार्ड दिइएको हो ।

रणवीरले फिल्म ‘एनिमल’ बाट सर्वोत्कृष्ट लिडिङ रोल र आलियाले फिल्म ‘रकी और रानी की प्रेम कहानी’ बाट सर्वोत्कृष्ट लिडिङ रोल मा अवार्ड पाएका हुन् ।

यस्तै, विक्की कौशलले फिल्म ‘डन्की’बाट सर्वोत्कृष्ट सपोर्टिङ मेल रोलको अवार्ड पाए । फिल्म ‘रकी और रानी की प्रेम कहानी’बाट शबाना आजमीले सर्वोत्कृष्ट सपोर्टिङ फिमेल रोलको अवार्ड पाए।

त्यसैगरी, ‘टुवेल्थ फेल’ले २०२३ को उत्कृष्ट फिल्मको अवार्ड पाउँदा फिल्मका निर्देशक विधु विनोद चोपडाले उत्कृष्ट निर्देशकको अवार्ड पाए ।