जनकपुर । मधेश प्रदेशका मुख्यमन्त्री सरोजकुमार यादवले विश्वासको मत पाउन नसकेपछि जसपा नेपाल नेतृत्वको मधेश प्रदेश सरकार ढलेको छ ।
आज बसको प्रदेश सभाको बैठकमा विश्वासको मतका लागि गरिएको मत बिभाजनमा मुख्यमन्त्री यादवले ५० मत मात्र प्राप्त गर्नुभयो भने उहाँको बिपक्षमा ५३ मत पर्यो । दुबैतिर बहुमत पुगेको छैन । प्रदेश सभामा १ सय ३ जना सांसद उपस्थित थिए
मुख्यमन्त्री यादवलाई जसपाको १९, कांग्रेसको २२, लोसपाका ८ र राप्रपाका १ जना सांसदले विश्वासको मत दिएका छन् । बिपक्षमा भने एमालेका २४, जनमतको १३, माओवादी केन्द्रको ९, नेकपा (एस)का ७ र नागरिक उन्मुक्ति पार्टीका १ जनाले मतदान गरेका छन् ।
प्रतिक्रिया
सम्बन्धित समाचार
