काठमाडौँ – नेकपा (एमाले) संसदीय दलको नेता चयनका लागि आन्तरिक प्रतिस्पर्धा हुने भएको छ । पार्टीभित्रको सहमति बन्न नसकेपछि नेता चयनका लागि निर्वाचन प्रक्रियाबाट अघि बढ्ने तयारी भएको हो ।
पार्टी मुख्यालय च्यासलमा आज बसेको संसदीय दलको बैठकमा नेताद्वय रामबहादुर बादल र सुहाङ नेम्वाङबिच प्रतिस्पर्धा हुने विषयमा छलफल भएको स्रोतले जनाएको छ । दलको नेतृत्वका लागि दुवै नेताले दाबी प्रस्तुत गरेपछि निर्वाचनमार्फत टुंगो लगाउने सहमति बनेको बताइएको छ ।
हालै सम्पन्न प्रतिनिधिसभा निर्वाचनमा एमालेले २५ सिट प्राप्त गरेको थियो । सोही संख्याको आधारमा संसदीय दल गठन प्रक्रिया अघि बढाइएको हो ।
प्रतिक्रिया
सम्बन्धित समाचार
