१३ पुस,काठमाडौं । संसद विघटनविरुद्ध विज्ञप्ती निकालेर मात्र नेपाली काँग्रेस बस्न नसक्ने नेता प्रकाशमान सिंहले बताउनुभएको छ।प्रमुख प्रतिपक्ष दल नेपाली कांग्रेसले आज प्रतिनिधिसभा विघटनविरुद्ध १६५ निर्वाचन क्षेत्रमा घोषित विरोधसभा आयोजना गरेको काठमाडौं क्षेत्र नम्बर १ को विरोधसभामा काँग्रेस नेता सिंहले प्रधानमन्त्री केपी शर्मा ओेलीको असंवैधानिक काँग्रेसलाई कुनै हालतमा मान्ने नहुने बताउनुभएको हो।
उहाँले भन्नुभयो, ‘प्रधानमन्त्री केपी शर्मा ओलीले पार्टीभित्रको अस्तिरताको झोकमा जनप्रतिनिधिमाथि प्रहार गर्नुभयो । त्यो पनि असंवैधानिक तरिकाले संसद भंग गरिको छ । यो संविधानमाथि प्रहार र जनताको अपमान हो । यस्तो कदम नेपाली काँग्रेस मान्य हुँदैन । काँग्रेसले गत बैशाखमै ओलीले सरकार सञ्चालनको वैधता गुमाएको ठहर गर्दा पनि नेकपाले समयमा नसोच्दा आजको अवस्थ खडा भएको बताए । यो अवस्थको भागेदार सिंगो नेकपा पनि रहेको उनको भनाई छ ।
