आशिष लामा, रसुवा, ३ माघ ।
रसुवाको नौकुण्ड गाउँपालिका ६ घोर्मुमा संचालन गरिएको जिल्ला स्तरिय पुरुष भलिबल प्रतियोगिताको उपाधी लाङ्बु भलिबल टिमले जितेको छ । सातधारा यूवा समाजले आयोजना गरेको प्रतियोगितामा लाङ्बु भलिबल टिम पहिलो भएको हो ।
त्यसैगरि द्धितिय राम्चे युवा समाज र तृतीय सातधारा युवा समाजले जितेका छन् । प्रतियोगितामा प्रथम, द्धितिय, तृतीय र सान्त्वना हुने टिमलाई क्रमश, नगद ४० हजार, २५ हजार, १५ हजार र ५ हजार सहित प्रमाणपत्र, कप र मेडलले पुरस्कृत गरिएको आयोजकले जनाएको छ ।
नक आउटको आधारमा पौष २७ देखि माघ १ गते सम्म संचालन भएको प्रतियोगितामा १८ टिमको सहभागिता रहेको थियो । माघे संक्रान्तिको अवसरमा सातधारा यूवा समाजले भलिबल प्रतियोगिता साथै साँस्कृतिक कार्यक्रमको आयोजना गरेको थियो ।
कार्यक्रममा नौकुण्ड गाउँपालिकाका अध्यक्ष नुर्बुसाङ्बो घलेले आगामी दिनमा खेलकुदको क्षेत्रमा गाउँमा मात्र नभई राष्ट्रिय स्तरसम्म खेल खेल्न र प्रतिष्पर्धामा गाउँपालिकाले सक्ने सहयोग गर्ने बताए ।
