१४ माघ, काठमाडौं । इङ्लिग प्रिमियर लिगअन्तर्गत हिजो भएको खेलमा वेस्ट ब्रोममाथि गोलको वर्षा गर्दै म्यान्चेस्टर सिटी शीर्ष स्थानमा उक्लिएको छ । मंगलबार ५–० को फराकिलो जीत हासिल गर्दै सिटीले म्यान्चेस्टर युनाइटेडलाई उछिन्दै शीर्ष स्थानमा कब्जा जमाउन सफल भएको हो ।
सिटीको जीतमा इल्के गुन्डोगानले दुई, जोआओ क्यान्सेलो, रियाद महारेज र राहिम स्टर्लिङले एक–एक गोल गरे । जीतसँगै सिटी यो सिजन पहिलोपटक शीर्ष स्थानमा पुगेको छ ।
लगातार सात जीत हासिल गरेपछि १९ खेलबाट सिटीको ४१ अंक रहेको छ भने दोस्रो स्थानमा रहेको युनाइटेडको ४० अंक रहेको छ ।
प्रतिक्रिया
सम्बन्धित समाचार
