काठमाडौं ,२ चैत्र। 
सूर्य नेपाल सेन्ट्रल ओपन गल्फ अन्तर्गत भएको प्रतिस्पर्धामा भुवन नगरकोटीले अग्रता लिएका छन् ।

गोकर्ण गल्फ क्लव सोमबार भएको पहिलो चरणको खेलमा नगरकोटीले आठ अन्डर ६४ स्कोर खेल्दै नगरकोटी शीर्ष स्थानमा रहेका हुन् । नगरकोटी दोस्रो स्थानमा रहेका रामे मगर र विजय श्रेष्ठ भन्दा चार स्टोकले अगाडी रहेका हुन् ।

पहिलो दिनको खेलमा मगर र श्रेष्ठले चार अन्डर ६८ को स्कोर खेले । सागमा दोहोरो स्वर्ण जितेका सुवास तामाङ, शुक्रबहादुर राई र राजेन्द्र श्रेष्ठ प्रदानले पहिलो राउण्डमा तीन अन्डर ६९ को स्कोर खेले ।

प्रतियोगितामा कुल ४४ ब्यवसायीक गल्फरको सहभागिता रहेको छ भने १७ एमेच्युअर गल्फरले भाग लिएका छन । प्रतियोगिताको विजेताले एक लाख ३० हजार र उपविजेताले ८० हजार रुपैयाँ पाउनेछन् ।