३ चैत्र, काठमाडौं । नेपालमा पछिल्लो २४ घण्टामा थप ११४ जना कोरोना संक्रमित थपिएका छन्। यससँगै देशभर कोरोना संक्रमितको कुल संख्या २ लाख ७५ हजार ४२४ पुगेको छ।
स्वास्थ्य मन्त्रालयका अनुसार मंगलबार ९४ जना कोरोना संक्रमित डिस्चार्ज भएका छन्। यससँगै हालसम्म डिस्चार्ज हुनेको संख्या २ लाख ७१ हजार ४९५ पुगेको छ।
गत २४ घन्टामा २ हजार ७ सय ९० पीसीआर परीक्षण भएको छ। देशभर ९१५ सक्रिय संक्रमित रहेका छन्।
स्वास्थ्य मन्त्रालयका अनुसार गत २४ घण्टामा कोरोनाबाट कसैको पनि मृत्यु भएको छैन। हालसम्म कोरोनाबाट ज्यान गुमाउनेको संख्या ३ हजार १४ पुगेको छ।
काठमाडौँ उपत्यकामा थप ४३ जनामा संक्रमण पुष्टि भएको छ। काठमाडौँका ३४, ललितपुरका ७ तथा भक्तपुरका २ जनामा संक्रमण पुष्टि भएको हो।
प्रतिक्रिया
सम्बन्धित समाचार
