क्राइस्टचर्च,१० चैत्र। न्यूजील्यान्ड भ्रमणमा रहेको बंगलादेशको क्रिकेट टोली न्यूजीन्यान्डसँग दोस्रो एक दिवसीयमा पाँच विकेटले पराजित भएको छ ।
पहिले ब्याटिङ गरेको बंगलादेशले तमिम इक्वाल (७८ रन) र मोहम्मद मिथुन (७३ रन) को उत्कृष्ट खेल मद्दतले ६ विकेटको क्षतिमा २७१ रन बनाएको थियो ।
जितका लागि २७२ रनको लक्ष पछ्याएको न्यूजील्यान्डको टोली शुरुमा फटाफट पाँच विकेट गुमाएर दबाबमा परेको थियो । तर डेभोन कोन्वे र टम लाथमबीचको साझेदारीको मद्दतले न्यूजील्यान्डले ४८.२ ओभरमा निर्धारित लक्ष पूरा गरेको थयो ।
न्यूजील्यान्डका लागि टम लाथमले नटआउट ११० रन बनाएका थिए भने डेभोन कोन्वेले ७२ रन बनाएका थिए ।
डुनेडिनमा खेलिएको पहिलो एक दिवसीयमा पनि न्यूजीन्याडले बंगलादेशलाई ८ विकेटले पराजित गरेको थियो ।
तीन म्याचको यस शृंखलामा न्यूजील्यान्ड २–० ले अघि रहेको छ । र तेस्रो तथा अन्तिम खेल २६ मार्चमा वेलिङ्टनमा हुनेछ ।
एएफपी
