विश्वभर कोरोनाभाइरस कोभिड-१९ को महामारीका कारण असहज अवस्था उत्पन भएकाबारे चर्चित टेनिस खेलाडी रोजर फेडेररलले लेखेको एउटा भावनात्मक पत्र विम्बल्डनले प्रकाशित गरेको छ।

आठ पटक विम्बल्डन टेनिस प्रतियोगिता  र २० पटक अन्य ग्राण्ड स्लाम उपाधिहरू जितिसकेका स्वीस टेनिस स्टार फेडेररले आफ्ना समर्थकहरूलाई कोभिड-१९ का कारण यो वर्षको विम्बल्डन प्रतियोगिता स्थगित हुन पुगेपछि हताश नहुन र आशावादी रहन आग्रह गरेका छन्।सन् १८८७ देखि लगातार आयोजना भइरहेको विम्बल्डन विश्वकै सबैभन्दा पुरानो टेनिस प्रतियोगिता हो र दोस्रो विश्वयुद्धपछि स्थगित भएको यो नै पहिलो पटक हो।

सो पत्रमा फेडररले यो असहज घडी टरेर जाने र सहज अवस्था चाँडै फर्कने आशा प्रति सारा विश्व एकजुट भएको जनाउँदै कोरोनाभाइरसको रोकथाममा संलग्न विश्वभरका स्वास्थ्यकर्मी र सम्बन्धित अन्यलाई धन्यवाद दिएका छन्। विश्वव्यापी रूपमा कोरोना भाइरसको महामारी फैलिएपछि यसै वर्ष आयोजना हुने भनिएको ओलम्पिक खेलकुद, युरो कप फुटबल, कोपा—अमेरिका फुटबललगायतका प्रतियोगिता यसअघि नै स्थगित भइसकेका छन्।।