बुटवल, १९ असोज । प्रदेश नम्बर पाँचको प्रदेश सभामा गठित नियमावली संसोधन मस्यौदा समितिका सभापति भोजप्रसाद श्रेष्ठले सो पदबाट राजीनामा दिनु भएको छ ।
नेकपा प्रदेश संसदिय दलका सचिव समेत रहनु भएका प्रदेश सभा सदस्य श्रेष्ठले प्रदेश सरकारले प्रस्ताव गरेको स्थायी राजधानी बुटवलबाट दाङ्गको भालुवाङ्ग सार्ने निर्णयमा असहमती जनाउदै उहाले समितिको सभापतिबाट राजीनामा दिएको बताउनु भयो ।
प्रदेशको राजधानीका बिषयमा पक्ष बिपक्षमा धेरै कुराहरु र बिरोधका आवाजहरु उठिसकेको अवस्थामा परिमार्जन गरेर राजधानीको प्रस्ताव प्रदेश सभा बैठकमा लैजान आग्रह गर्दै सभापति श्रेष्ठले तत्काल प्रदेश सभामा सो प्रस्तावलाई स्थगन गर्न समेत माग गर्नु भएको छ ।
करिब १ महिना अघि मनोनित हुनु भएका सभापति श्रेष्ठलाई पदसित राजधानी साटेको आरोप लागेको थियो ।
प्रतिक्रिया
सम्बन्धित समाचार
