काठमाण्डौ,१९ असोज ।सोमबार थप २४ सय ४० जनामा कोरोना भाइरस (कोभिड-१९) को संक्रमण पुष्टि भएको छ ।
देशभरका प्रयोगशालामा नमुना परीक्षण गर्दा २ हजार ४ सय ४० जनामा संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिनु भयो।
काठमाण्डौ उपत्यकामा मात्र १५ सय ३१ संक्रमित थपिएका छन्। उपत्यकामा थपिएका मघ्ये काठमाडौंमा ११ सय ७८, भक्तपुरमा १सय ३ र ललितपुरमा २ सय ५० जना रहेका छन्।
स्वास्थ्य तथा जनसंख्या मन्त्रालयको नियमित प्रेस ब्रिफिङमा सोमबार प्रवक्ता प्रा.डा. जागेश्वर गौतमले दिएको जानकारी अनुसार पछिल्लो २४ घण्टामा ११ सय ३३ जना डिस्चार्ज भएका छन् । संक्रमितमध्ये ७३ प्रतिशत निको भएका छन् । अहिलेसम्म डिस्चार्ज हुनेको संख्या ६५ हजार २सय २ रहेको छ ।कोरोनाबाट आज १९ जनाको मृत्यु भएको प्रवक्ता प्रा.डा. जागेश्वर गौतमले जानकारी दिनु भयो।