काठमाडौं ,१९ माघ । सोमबार १५९ जना कोरोना भाइरसका संक्रमित थपिएका छन् । पछिल्लो २४ घण्टामा ४ हजार १४५ जनाको पिसिआर परीक्षण गर्दा ६१ जना महिला र ९८ जना पुरुषसहित १५९ जनामा संक्रमण पुष्टि भएको हो । यससँगै कुल संक्रमितको संख्या २ लाख ७१ हजार ११८ पुगेको छ ।

स्वास्थ्य तथा जनसंख्या मन्त्रालयले सार्वजनिक गरेको विवरण अनुसार पछिल्लो २४ घण्टामा निको हुनेको संख्या २६४ रहेको छ भने देशभर सक्रिय संक्रमितको संख्या २ हजार ४८९ रहेको जनाएको छ ।

पछिल्लो २४ घण्टामा कोरोनाले कसैको पनि मृत्यु नभएको मन्त्रालयले जनाएको छ । नेपालमा कुल संक्रमितमध्ये २ लाख ६६ हजार ६०० जना संक्रमणमुक्त भएका छन् भने २०२९ जनाको मृत्यु भएको मन्त्रालयले जनाएको छ ।