१४ बैशाख, रौतहट। कोरोना महामारीको दोस्रो लहरमा रौतहटमा पहिलो पटक संक्रमित एकजना वृद्धको मृत्यु भएको छ । सदरमुकाम गौर नगरपालिका–२ महादेवपट्टीका ७० वर्षीय एकजना वृद्धको कोरोना संक्रमणबाट मृत्यु भएको हो ।

तीन दिन अघि संक्रमण पुष्टि भएर घरमै रहेका तथा दमको रोगबाट समेत अवस्था गम्भीर हुँदा उपचारको लागि जिल्ला अस्पताल लैजाने क्रममा गएराति उनको मृत्यु भएको रौतहटका प्रजिअ ईन्द्रदेव यादवले बताउनुभयो।

यसअघि जिल्ला अस्पताल गौरमा भएको एकसय ६३ वटा पीसीआर जाँचमा ९२ जना कोरोना पोजेटिभ पुष्टि भएको छ । संक्रमित मध्ये ७१ पुरुष र २१ महिला रहेकी छन् । एकजना पुरुषको दोस्रो पटकको जाँचमा निगेटिभ आएको प्रजिअ यादवले जानकारी गराउनुभएको छ।