१३ साउन, काठमाडौं । बुधबार नेपाली बजारमा सुनको मूल्य ३०० रुपैयाँले बढेको छ ।
नेपाल सुनचाँदी व्यवसायी महासंघका अनुसार मंगलबारको तुलनामा आज सुन प्रतितोला ३०० रुपैयाँले बढेर ९२ हजार १०० रुपैयाँ कायम भएको हो ।
मंगलबार बजारमा छापावाला सुन पनि प्रतितोला ९१ हजार ८०० रुपैयाँमा कारोबार भएको थियो ।
महासंघका अनुसार आज तेजाबी सुनको मूल्य समेत प्रतितोला ३०० रुपैयाँले नै बढ्दै ९१ हजार ६०० रुपैयाँ कायम भएको छ।
यता चाँदीको मूल्य भने तोलामा १५ रुपैयाँले घटेको छ । मंगलबार प्रतितोला चाँदी १ हजार २ सय ७० रहेको थियो । भने आज मूल्यमा घटी प्रतितोला १२ सय ५५ रुपैयाँ मूल्य कायम भइ कारोबार भइरहेको महासंघले जनाएको छ ।
प्रतिक्रिया
सम्बन्धित समाचार
