एउटा भव्य गायन रियालिटी शो सम्पन्न भयो।
भोलिपल्ट चिया पसलमा त्यही प्रतियोगिताको बारेमा चर्चा सुरु भयो।
“देख्यो त केटा हो मेरो अनुमान!”पहिलो गफाडीले गफ थाले।
दोस्रोले लगत्तै थपे;”अविवाहित केटो हेन्सम थिए,केटीहरूले भोट टन्नै दिएछन् क्यारे!”
“धनी केटा हो नि।पारिवारिक पृष्ठभूमि राम्रो अरे नि त!” तेस्रो गफाडीले पोल खोलेझैँ गरि बोले।
“रुपैयाँ हो र?डलर हो डलर!जितेन भने बेइज्जत हुन्थ्यो।”चौथो गफाडीले प्रत्यक्षदर्शीझैँ किटेर भने।
पाँचौ गफाडीले ठुलो स्वरमा गफ ठोके,”उसको आफन्तहरू भुटान र नेपालमा पनि छन् रे।नजित्ने कुरै भएन।”
शुरुदेखि चुपचाप चियासँगै पाउरोटी चपाउँदै गरेका एक भलाद्मीले सबैकुरा सुनेपछि बोल्यो।
“हेर भाईहरू!प्रतियोगिता साधनाले जितिने हो।हिजोका बिजेताले वर्षौँदेखि साधनारत थिए भन्ने कुरा अडिशन राउण्डबाट नै स्पष्टगलामा झल्किन्थ्यो।कुरा रह्यो भोटिंग सिस्टम।क्षमता भएकालाई जिताउन भूगोल,आफन्त,नातागोता,साथीभाइ वा डलर हुनैपर्छ र!”
~~ ॰॰॰~~
– म्यामराज राई
हतुवागढी-६,होम्ताङ्,भोजपुर,हाल:-जापान