१६ कात्तिक, काठमाडौं । राजेन्द्रकुमार राई प्रदेश १ को मुख्यमन्त्रीमा नियुक्त हुनुभएको छ ।

पाँच दलीय गठबन्धनको समर्थन रहेका नेकपा एकीकृत समाजवादीका सचिव एवं प्रदेश सभा संसदीय दलका नेता राईलाई प्रदेश प्रमुख सोमनाथ अधिकारीले मुख्यमन्त्री नियुक्त गर्नुभएको हो ।

यसअघिका मुख्यमन्त्री भीम आचार्यले सोमबार राजीनामा दिएपछि आज प्रदेश प्रमुख अधिकारीले राईलाई मुख्यमन्त्री नियुक्त गर्नुभएको हो । मुख्यमन्त्री राईको शपथ दिउँसो ३ बजे हुने बताइएको छ ।

राईले चार पार्टीबाट एक–एक जना मन्त्रीलाई शपथ खुवाउने तयारी गरेको स्रोतले बतायो ।