काठमाडौं । क्राईस्टचर्चमा जारी एकदिवसीय क्रिकेटमा भारतले घरेलु टोली न्युजिल्याण्डलाई २ सय २० रनको लक्ष्य दिएको छ ।

भारत र न्युजिल्याण्ड बीचको तेस्रो तथा अन्तिम एकदिवसीयमा टस हारेर पहिले ब्याटिङ रोजेको भारतले ४७.३ ओभरमा अलआउट हुदै २ सय १९ रन जोडेको हो ।

भारतको तर्फबाट वासिङ्टन सुन्दरले ६४ बलमा ५१ रनको अर्धशतकीय ईनिङ खेले भने श्रेयस अय्यरले ४९ रन बनाए । कप्तान शिखर धवनले २८ रन जोडे भने शुभमन गिलले १३ तथा दिपक चहर र दिपक होडाले १२/१२ रन बनाए ।

न्युजिल्याण्डबाट ड्यारियल मिचेल र एडम मिल्नेले समान ३/३ विकेट लिए । टिम साउदीले भने २ विकेट लिए ।