काठमाडौँ । संघीय राजधानी काठमाडौँको प्रमुख पर्यटकीय गन्तव्य ठमेलमा होली पर्व मनाइने भएको छ ।
ठमेल पर्यटन विकास परिषद्को आयोजनामा फागू पुर्णिमाको अवसरमा चैत ११ गते होली पर्व मनाउने भएको छ ।
परिषद्का महासचिव राजीव पाण्डेले चैत ११ गते विहान १० बजेदेखि बेलुका ६ बजेसम्म ठमेलको सञ्चयकोष अगाडि होली पर्व मनाउन लागिएको जानकारी दिनुभयो । होलीको अबसरमा विभिन्न सांस्कृतिक कार्यक्रम समेत हुनेछन् ।
उहाँले पर्यटकीय गन्तव्य ठमेलमा होली पर्व मनाउँदा नेपालको सन्देश विदेशमा सकारात्मक जाने उल्लेख गर्नुभयो ।